Úrslit hafa verið gerð opinber í lestrarspretti skólans sem stóð yfir frá 3. - 14. nóvember. Í 1. - 4. bekk voru nemendur í 2. KG hlutskarpastir og unnu til verðlauna. Í 5. - 7. bekk voru nemendur í 6. LB sigurvegarar.
Myndir frá lestrarsprettinum eru hér.
Mánudaginn 20. október kom leikskólahópur Kvarnaborgar í heimsókn á skólasafnið. Skólasafnskennari tók á móti hópnum og var sagan um Eigingjarna risann lesin en hún fjallar m.a. um árstíðirnar. Að því loknu fengu börnin „haust" laufblað sem þau myndskreyttu með sjálfsmynd. Í lok heimsóknar fengu börnin að velja sér bækur sem þau tóku með sér á leikskólann. Leikskólahópurinn var mjög áhugasamur og fróðleiksfús og þau voru fljót að tileikna sér það sem fram fór í kennslustundinni.
Föstudaginn 31. október var Alþjóðlegi bangsadagurinn haldinn hátíðlegur í Ártúnsskóla. Að þessu sinni var boðið upp á leikþáttinn Óþekki bangsinn, sem nemendur úr 4. - 7. bekk tóku þátt í. Einnig voru sungin nokkur bangsalög.