Mánudaginn 2. nóvember fékk skólasafnið góða gesti í heimsókn. Skólahópur Kvarnaborgar kom í heimsókn. Skólasafnskennari las fyrir börnin söguna Vertu ekki hræddur við myrkrið bangsi litli og Álfasögu um þakklæti. Börnin hlustuðu á sögurnar af athygli og teiknuðu síðan  bókamerki með persónum úr sögunum.  Að lokum fengu börnin að velja sér bækur sem þau tóku með sér á leikskólann.  Börnin voru til fyrirmyndar og var heimsóknin hin ánægjulegasta.

Myndir frá heimsókninni

Lestrarsprettur Ártúnsskóla er núna í fullum gangi. Letraráhugi  nemenda er mikill og einkennir skólastarfið þessa dagana.  Mikið líf og fjör er á skólasafninu og gaman að fylgjast með einbeittum lestrarhestum sem koma þar oft á dag til að ná sér í  bækur.

Einkennisdýr keppninnar þetta árið er uglan með sín vökulu augu.  Á hana skrifa nemendur nöfn bóka og blaðsíðutal og síðan er hún hengd upp og breiðir uglan nú úr sér um ganga og stofur skólans í samræmi við fjölda lesinna bóka.

Myndir frá lestrarspretti

Mánudaginn 16. mars komu áhugasamir gestir í heimsókn á skólasafnið. Leikskólinn Kvarnaborg hafði boðað komu sína með 12 barna leikskólahóp. Skólasafnskennari las fyrir börnin söguna Engan æsing, Einar Áskell ! 

Dagana 12. og 19. janúar komu leikskólabörn frá Regnboganum í heimsókn á skólasafnið. Skólasafnskennari tók á móti hópnum, sýndi þeim safnið og las fyrir þau söguna "Vetur í Múmíndal" eftir Tove Jansson. Að því loknu myndskreyttu börnin valin atriði úr sögunni. Var þeim mikið hrósað fyrir vönduð vinnubrögð og prúðmannlega framkomu. Í lok heimsóknarinnar völdu börnin bækur til að taka með sér á leikskólann og fengu jafnframt bókamerki að gjöf frá skólanum.

Myndir frá heimsókninni