Fréttir frá skólasafni Ártúnsskóla

Skólahópur frá Regnboganum

Skólasafn Ártúnsskóla fær oft góða gesti í heimsókn.  Skólahópur frá  leikskólanum Regnboganum heimsótti safnið nýverið ásamt leikskólakennaranum sínum.  Börnin fengu leiðsögn um safnið og hlustuðu á söguna Skilaboðaskjóðan eftir Þorvald Þorsteinsson.  Að lestri loknum fengu börnin að hvísla skilaboðum í pokaskjóðu, sem þau höfðu myndskreytt og bundið var kirfilega fyrir.  Eftir að hafa skoðað bangsa, bikara og aðra spennandi hluti í eigu safnsins fengu börnin að velja bækur sem þau tóku með sér á leikskólann.  Það er alltaf jafn gaman að taka á móti prúðum og stilltum leikskólabörnum Regnbogans.
Sjá myndir

Heimsókn leikskólabarna.

Skólasafn Ártúnsskóla fékk skemmtilega gesti í heimsókn fimmtudaginn 24. febrúar s.l. Leikskólahópur Kvarnaborgar kom í heimsókn og kynnti sér starfsemi safnsins.  Krakkarnir hlustuðu á söguna um Skilaboðaskjóðuna eftir Þorvald Þorsteinsson.  Að lestri loknum fengu krakkarnir að hvísla skilaboðum í pokaskjóðu sem þau höfðu myndskreytt og bundið var kirfilega fyrir.  Í lok stundarinnar völdu krakkarnir bækur sem þau fengu að taka með sér á leikskólann.   Í hverju andliti ljóðmaði gleði og eftirvænting og við hlökkum til að taka á móti þessum stillta hóp í 6 ára bekk næsta vetur. 
Sjá myndir

 

Úrslit í lestraspretti

Úrslit hafa verið gerð opinber í lestrarspretti skólans sem stóð yfir frá 24.janúar - 7. febrúar.  Í 1. - 4. bekk voru nemendur í 2. EJ hlutskarpastir og unnu til verðlauna. Í 5. - 7. bekk voru nemendur í  5. LB sigurvegarar.
Myndir frá lestrarsprettinum eru hér.

Lestrarátak í Ártúnsskóla

Þessa dagana fer fram árlegt lestrarátak Ártúnsskóla. Markmið átaksins er m.a. að auka lesskilning og lestrarhraða og vekja áhuga nemenda á yndislestri sem tómstundagamni. Mikill lestraráhugi einkennir skólastarfið og eru nemendur mjög áhugasamir. Það er lesið í hverju horni og skólasafnið iðar af lífi og fjöri.  Átakinu lýkur mánudaginn 7. febrúar.
Sjá myndir

Skjaldbökurnar sem nemendur skrá lesturinn á skreyta veggi skólans.

Sjá myndir

Fleiri greinar...