Áhugasamir nemendur á skólasafni

Á skólasafni Ártúnsskóla hefur verið unnið fjölbreytt starf í vetur. Á safnið koma heilir bekkir í einu og því er unnið mikið í hópvinnu og paravinnu, auk þess er einstaklingsvinna þar sem það á við.
Elstu bekkirnir vinna mest í efnis- og heimildakönnun ásamt lausnarleitarnámi (Problem-Based Learning) með verkefnakynningu og jafningjamati í lokin. Sem uppbrot er farið í ratleiki á safninu.
Yngri bekkirnir vinna að efniskönnun í hópum, bæði af neti og úr bókum. Verkefnin eru misþung eftir aldurshópum og mislöng eftir getu hvers og eins. Auk þess er samlestur, upplestur og sögugerð, ásamt lesskilningsverkefnum þar sem málvitund nemenda er aukin.
Nemendur eru áhugasamir við vinnu sína á safninu eins og sjá má á myndunum.

Lestrarsprettur

Skólasafnið stendur fyrir lestrarspretti í grunnskólanum frá 21. janúar - 1. febrúar. Lestraráhugi nemenda er mikill og einkennir skólastarfið þessa dagana. Í morgun stóð skólasafnið fyrir yndislestri þar sem nemendur fengu að fara um skólann og velja sér góðan stað til að lesa á fyrstu kennslustund dagsins.

Bókasafnsdagurinn

Bókasafnsdagurinn verður haldinn hátíðlegur þriðjudaginn 17. apríl á bókasöfnum um allt land. Markmið dagsins er að vekja athygli á öllu því góða starfi sem unnið er á bókasöfnunum og mikilvægi þeirra fyrir samfélagið. Í tilefni dagsins verður skólasafn Ártúnsskóla opið gestum og gangandi milli kl. 8:30 – 9:30. Boðið verður upp á hollar veitingar á safninu.

Myndir frá deginum

Heimókn skólahóps Regnbogans á Skólasafnið

Fimmtudaginn 15. mars kom seinni hópur Regnbogans í heimsókn á skólasafnið. Börnin heita Ísabella Þóra, Óli Björn, Björn Hugi, Helgi Trausti og Aron Elvar. Þau hlustuð af athygli á sögu sem lesin var og fengu síðan að taka bók að láni. Börnin voru mjög stillt og prúð og var heimsóknin hin ánægjulegasta.

Myndir frá heimsókninni

Heimsókn frá Regnboganum

Fimmtudaginn 8. mars fékk skólasafnið góða gesti í heimsókn frá leikskólanum Regnboganum. Börnin hlustuðu á sögu og völdu sér bækur til að taka með sér á leikskólann. Hópnum var skipt í tvennt og mun seinni hópurinn koma í heimsókn fimmtudaginn 15. mars. Börnin sem komu í dag heita Tinna Sóley, Aron Breki, Thelma Huld, Álfrún Eva, Sólon og María. Þau voru stillt og prúð og var heimsóknin hin ánægjulegasta.